Маьтсела бетта ийслагӀа ди долаш, «Сона хов бакъдар» яхача спектаклага хьежар вай бахархой. Из дар Донецкера паччахьалкхен академически ашарий-драматически М. М. Бровуна цӀерагӀа театр, яхаш, дийцар «Сердало» газетага цига хиннараша.

ГӀалгӀайчен драматически театра исбахьален кулгалхочо Чахкенаькъан Ӏийсас яхачох, дег чу йицлургйоаца уйлаш йитар хьажаро.

Из кхетаче вӀашагӀъеллар яр Росконцерт яха ФГБУК, театра гастролашта чудоагӀаш.

Спектакла керте лаьттар дар «Донбассера тӀом: халкъа дагалоаттам», цо артисташта еннаяр, хьал ма дарра довзийташ йола материал .

Донбассера баьхкача хьаьшаша гойтар, дег чу дужаш дола ше ма дарра шоай а шоай шахьара бахархой а вахара хьал. Артисташка гӀолла наха дайзар Украинера дезала унзара, 2014 шера денз, сатем байна дола хала вахар.

«Сона хов бакъдар» яхача спектаклага хьежарех цхьаккха висанзар из дег чу ца южаш, массане а, уралатташ тӀоараш детташ, тӀаийцар из. Донецкера паччахьалкхен академически ашарий-драматически М. М. Бровуна цӀерагӀча театра дагалоаттама совгӀаташ делар, ГӀалгӀай Республикан культуран министра Лаьнанаькъан Залинай цӀерагӀа баркал оалаш, сийлен каьхат делар цун гӀончас Куртой Маккас», - йоах хоамо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде