Тоае еза моттигаш хоржаш ба Илдарха-ГӀалий тӀара бахархой
Вахара хьал тоадарах йолча проектага гӀолла, хьатӀадоагӀача шера тоае езача моттигий хоржам беш ба Илдарха-ГӀалий тӀара бахархой. Карарча хана эггара хьалхатеттарех ба кхо урам. Из хоам «Сердалога» бир шахьара мэре.
«Хьалхарча моттиге латт Первомайски оала урам (Осканаькъан цӀерах болча урамгара Дьякова цӀерахчунга кхаччалца), шоллагӀча моттиге Дьякова латт (Кирова оалача урамгара Революционни яхачунна ӀотӀаотталца), кхоалагӀча моттиге Осканаькъан цӀерах болча урама доазув латт (Нефтяной, Рабочи яхача кхаччалца), иштта Градусова яхар (Чапаева оалача урамгара Фрунзе яхача урамга кхаччалца).
Эггара хьалхарча мугӀаре латта кхоъ е диъ доазув да тӀадоагӀача шера кулг теха меттаоттаде лерхӀараш. Белгалде деза, из хоржам беча балха юкъе бахархошта новкъостал деш 40 гӀо деш лела саг волга. za.gorodsreda.gosuslugӀ.ru портале гӀолла бе беза бахархоша шоай хоржам.
