Магӏалбика кхален бахархой тӏеххьарча дийнахьа кхадж тоссаш бар
20.09.2026 18:35
Гӏалгӏайчен Магӏалбика доал деча даькъ тӏа ший аргӏагӏа дӏадоладелар кхоалагӏча дийнахьа кхадж тассар. Доал деча даькъ тӏа мел долча 23 хоржамий доакъоша бахархошта шоай наӏараш хьайийллар, ӏуйрийна 8 сахьат даьлча. Хьалхарча миноташка денз, хоржамий комиссей болх дӏаболабелар. Кхален бахархошта хьакхеллар эшаш мел дола хьалаш.
«Хоржамаш дӏахьош даим тӏахьожам лоаттабу. Магӏалбика доал дара даькъ тӏарча администраце кулгалхочо Къоастой ӏаддал-Хьамида из хьал ший теркама юкъе лоаттаду, хоржамаш къаьга, бокъонаш лораеш дӏахьош да», - аьлар Магӏалбика кхален администраце зарбан болх лелабераша.
Хоржамаш дӏахьош йолча юкъа, гуш дар бахархой шоай граждански декхар кхоачашдеш хьабоагӏаш хилар.
