Къахьегама шоатта дӏадихьар Магасе
06.07.2026 12:12
«Россе хиш» яхача Ерригача Россе боламга гӏолла къахьегама шоатта дӏахьоча дакъа лаца арабаьлар Магасера бахархой а. Из хоам «Сердалога» бир шахьарерча туризмах, спортах, культурах йолча моттига болхлоша.
«Республике эггара лоархӏаме долча хин гонахьарча моттигашка лостам бе арабаьлар тахан шахьара мэре, культурах, спортах, туризмах йолча моттига, ЖКХ болхлой, иштта бахархой, ӏаламах дог лазаш бола гӏо деш лелараш. Низ дӏа ма кхоачча къахьийгар цу доазан тӏа массане», - йоах тхога бенача хоамо.
«Россе хиш» яхача боламо хьагойт хиш, ӏалама моттигаш лораеш, хам беш лелае езилга. Тахан вайх хӏаранена хьалхашка латта декхар да из аьлча, нийсагӏа хургда аьнна хет сона», - белгалдир ший къамаьла юкъе Магасерча ЦКСиТ кулгалхочун гӏончас.
