Ше маьре йодача дийнахьа, кхадж тоссаш яр Магӏалбикера яхархо
20.09.2026 18:38
Магӏалбикерча № 411 йолча хоржамий моттиге бӏарчча цӏай дар. Парламентски хоржамий болх дикка айбеннача хана, нускал ийца болхараш хьакхаьчар цига.
Ший вахаре эггара лоархӏаме, иразе долча дийнахьа кхадж тассара декхар кхоачашде лаьрхӏар нускала.
Нускал ийца болхараш чӏоагӏа хоза, дега безамца, йӏовхалца тӏаийцар хоржамий моттиге.
Бюллетень хоржама яьшка чу цо ӏочутессачул тӏехьагӏа, беркате ловцаш доахаш даькъалайийцар из гонахьа лаьттараша. Шахьара администрацена кулгал деча Боканаькъан Мухьмадагара совгӏат делар цунна иразе, могаш, маьрша, дог делаш яха даькъалаювцаш.
