Гӏалгӏайчен бахархошта хьалхадаьккхар, хӏара шера дезалашта луш долча ахчах лаьца
Гӏалгӏайчен Паччахьалкхене дийцар «Сердало» газетага; шиъ е совгӏа бераш дола, болх беш бола даьй-ноаной таро йолаш ба тов бетта 30 денга кхаччалца хӏара шера луш дола ахча хьаэца, яхаш.
Из луш да, нагахьа санна кхувш доагӏа бераш (е 23 шу даллалца вола очни деша вагӏа студент) дале, цар даьй доалахьардар цу бокъонаша дӏадехачоа нийса дале, дезалера пайда 1,5 дакъа республике латтача вахара борамал совбоалаш беце.
«Россе къахьегама Министерствос беча хоамах, хӏара шера луш дола дезала ахча да, дас-нанас шоай алапех е больничнех, отпусках лучох НДФЛ дӏалуш хиларга хьежжа.
Россе Вахара ганзо 2025 шера дӏаенна йоал лохара 6% боарам болаш хилар дӏа а лаьрхӏе, цу тӏера дезалашта юхалуш да цаӏ долча пособеца. Из ахча кхаь тайпара хьаэца бокъо я - «Госуслуги» яхача электронни портале гӏолла, СФР клиентски службе е МФЦ», - аьлар тхоца къамаьл даьчо.
Из хьаэцара дехар чудала йиш я моллагӏча бера даьх-наьнах цхьанне, из ӏаткъаш дац цу дезале ийдеш долча юхедусача паччахьалкхен пособешта.
