Журналисташта баркал аьлар ГӏалгӀай Республикан УФПС
Балха чаккхе еш дӀахьош хинна пресс-кхетаче яьнначул тӀехьагӀа, ГӏалгӀай Республикан Федеральни почтан гӏулакха Урхаллен кулгалхочо Гаьгенаькъан Ислама баркал аьлар жуналисташта, цар бӀарчча шера мехка керттерча почтан бувзама даькъ тӀара хоамий болх дӀабахьарах.
«Цига бар СМИ, мехка телерадиокомпане болхлой. Грамоташ луш, Гаьгенаькъан Ислама белгалдир, ГӏалгӀай Республикан УФПС болх кӀоаргга чулоацам болаш, республикан бахархошта почтан бувзама хьалаш довзийташ, вай республикан бахархой а почтан а бувзам чӀоагӀбу», - аьлар хоамо.
«Сердало» кепайоазон цӀен болхлошта а баркал аьлар, дукхача шерашка, дикал йолаш, из болх дӀабахьарах.
Почтан болхлоша яхачох, укх массехк шера республикан керттердараш лорадеш хьадоагӀа «Сердало». Уж да вай республикан вахар, йоазув, мотт, истори, культура, Ӏадаташ.
«Оаха доаккхал ду, «Сердало» газетаца айхха бувзам лелабеш тхоаш хиларах. Оаш цу юкъедахьаш дола балха дакъа мах баь варгвоацаш да.
«Сердало» ерригача коллектива баркал оал оаха, керда толамаш даха аьттув хилба шун», - Гаьгенаькъан Ислама..
