ГӀалгӀай къаман
юкъара газет

Кердадараш

ГӀалгӀайче «Дика хьалаш» яха паччахьалкхен программа кхоачашъеш, 142 млн сом дӀадахад

24.07.2023 15:56

Республика Ингушетия принимает участие в госпрограмме России «Доступная среда». Всего освоено в рамках реализации данной подпрограммы 142 млн рублей. Об этом Главе Ингушетии доложил в ходе рабочей встречи министр труда и социального развития Хаджибекир Муталиев, сообщили газете «Сердало» в пресс-службе Главы Ингушетии.

«Цу ахчах, мехка Ӏаьдало заӀапхошта, дӀа-юха лелалуш боацача наха 56 фусама дика хьалаш Ӏалашдаьд.

Социальни Ӏалашон, культуран, унахцӀенон, дешара кхыча даькъ тӀа пандусаш яьй; гӀишлон арахьа а лаьрххӀа йола Ӏалошо яьй царна лаьрхӀа, иштта санитарно-гигиенически хьалаш Ӏалашдаьд. Из доацаш а, эшаш бола хоам тӀабола кнопка тоӀае мара ца езаш, улгаш даьд, новкъостал эшаш е саг хьавеха везаш моттиг нийсъелча, пӀелг ӀотӀатоӀабе мара безац», — йоах хоамо.

«Хьахьожадаьча ахчах паччахьалкхен библиотека лаьрхӀа технически таронаш яьй, уж накъайоалаш я заӀапхошта, къаьстта хӀама цахозарашта, бӀарг са дайнарашта, дӀалелаш боацарашта.

Иштта вӀашагӀделлад, социальни даькъ тӀа говзанчаш хургбола дешар. Цо таро хулийтаргья халла мара дӀа-юха ца лелалуш болча наха шоашта карагӀдоалар маьхалдаккха», - аьлар МутаӀаланаькъан Хьажбикара.

ЛаьрххӀа йола оборудовани оттаяьй боккхагӀбарашта, заӀапхошта социальни гӀулакх дара йолча Республикански центре, иштта Наьсарен-Шахьара, Республикански берий могашал меттаоттаяра центре.

Келаматанаькъан Махьмуд-Ӏаьлас белгалдир, цу тайпарча наьха хьалаш Ӏалашдара бола болх цахадаш дӀабахьа беза, аьнна.

Уж, халача вахара хьалашка нийсбеннараш, вай нах ба. Вай декхар да царна новкъостал дар. ЛаьрххӀа йола федеральни программаш я, цар таро лу вайна дикача боараме из болх дӀабахьа», — аьлар Келаматанаькъан Махьмуд-Ӏаьлас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде