Йоагаеча токах тӀалаьтта 468 млн декхар дӀатекхар бахархоша
10.11.2023 14:59
Йоагаеча токах дола ахча хьадала безам боацача бахархошта духьала де дезарех дийцар, «Россетий Къилбаседа Кавказ- «Ингушэнерго» яхача моттиге. Укх шера, Ӏан шоллагӀча беттагара гуйран шоллагӀча беттага кхаччалца ахча хьатакха ловш боацача 10, 5 эзар бахархошта; 7, 2 эзар сом декхар долча тайп-тайпарча балха моттигашта ток дӀакхоачийтаргйоацилга белгалдеш дола 17, 7 эзар каьхат чуделар. 1 056,0 млн сом декхар да царна тӀалаттар.
ХӀара моттиге чуувтташ токацарча болхлоша къамаьл даьчул тӀехьагӀа, 468,5 млн сом хьатекхад токах. 7,9 эзар бахархоша, ток дӀахоадаярга ца хьежаш, шоай дала деза декхар дӀаденнад.
«2023-ча шера дӀабахача бетта хьалхара ди хьаийцача, цу хана наха тӀалаьттар 7,1 млрд сом декхар да. Из геттара чоалхане гӀулакх да. Иззал декхар тӀалатта йиш йолаш дац вайна. Тоае, боккха болх дӀабахьа беза токацара моттигаш дукха я республике, бакъда, наха ахча хьацателарах, из болх дӀабахьа аьттув балац. Вай массане кхетаде деза, ханнахьа тӀалаттар дӀатекхаш ца хилча, тока моттигий хьал тоалургдацилга. Вайх хӀаранега кхоачаш гӀулакх да из!» - белгалдир «Энергосбыт» яхача оагӀон кулгал деча Муцолганаькъан Хайрудина.
РФ паччахьалкхено баьча соцамах, дӀахедаю ток - 04. 05. 2012 №442. Филиала http://Ӏngush-energo.ru/ сайта, «Клиентам» яхача оагӀон тӀа, довза йиш я цунца дувзаденнараш. Оаха юха а белгалду, токах доагӀа ахча «Доалахьара кабинет» яхача оагӀон «Свет-Онлайн» яхача мобильни моттиге гӀолла дӀатӀадахьийта йиш йолга.
Нагахьа тӀалатташ дола деррига декхар дӀадала аьттув беце, ток лоаттаеча моттиге дӀаваха, царца къоастаде деза из гӀулакх, ма дарра дӀа а дийца.
