Магӏалбике тоабаьча урамга хьажа арабаьлар единороссаш
«Цаӏ йолча Россе» «Парте десанта» доакъашхой, Халкъа Гуллама депутатий кандидаташ, иштта Магӏалбикерча администраце болхлой арабаьлар, Аьдагӏий оала урам тоабеш дӏабихьача балхага хьажа. «Кхераме доаца наькъаш» яхача федеральни проектага гӏолла дӏабихьа болх ба из. 220 метрага кхоачаш долча цу доазон тӏа керда асфальт ӏобиллаб дукха ха йоацаш.
«Таханарча дийнахьа керттера балхаш кхоачашдаь баьннаб цига. Ураме керда лампаш ехкай, дӏахо гӏандаш, нувхашта лаьрхӏа яьшкаш оттаеш къахьегаргда цига. Партийцаша къамаьл дир бахархошца, царна цу балхах фу хет хьожаш, хӏаьта цига бахаш бола нах чӏоагӏа раьза болаш бар. Керда никъ, сийрда лампаш хиларо паргӏатагӏа, кхераме боацаш хулийт», - дийцар «Сердалога» «Цаӏ йолча Россе» доакъашхоша.
Единороссаша белгалдир, Къаман программага гӏолла дӏахо а хувцамаш хургдолга. «Парте десанта» теркалдергда хӏара болх малагӏча боараме чакхбаьккхаб. Бахархошца бувзаме хиларо дикагӏа гучадоах кхоачамбоацараш, цул совгӏа, нах раьза болаш хила деза кхоачашдаь моллагӏа гӏулакх.
