Белгалду, «Къилбаседа Кавказа россетий» тоаба, ара шелал латташ, дукха Ӏоткъам хулвш йолча хана болх бе кийча я, из чӀоагӀдаьд 05.11.2024 шерарча №2147 йолча Россе энергетикан Министерствон амарца.

Кийчо яь хилара тешал деш дола паспорташ хьаэцаш, дукха ха йоае езаш хилар. ГӀалгӀайче, ер шу дӀадоладелча денз, 30 км тока саьргаш, (ЛЭП) 0,4-10 кВ, хийцад; цул совгӀа 40 км ЛЭП чӀоагӀа ток чуйоагӀараш а долаш (35110 кВ).

Ток дӀа-юха кхачийтара 10(6)/0,4 кВ долча даькъ тӀа, 111 трансформаторни станци,60 трансформатор тоаяьй.

Цул совгӀа, болхлоша 56 гектар тока саьргаш цӀендир, царна тӀайийша нувхаш а кхыйола бӀехал а дӀайоаккхаш.

Цунца цхьана дӀабихьар, кхыча сиха болх беча гӀулакхаш тӀарча нахаца вӀашагӀ а кхийтта, гӀирс беха моттиг нийслойя, хьалхарча аргӀагӀа де дезар белгалдоаккхаш бола 1омалу болх. Керттердар да болхлой кхерамзленна Ӏалашо яь хилар, лаьрххӀа дола гӀирсаш царна лоаттадар, къахьегаш эшаргйола хӀамаш кхоачам болаш хилар.

«Ара шелал а этта, боккха низ тока саьргашта тӀабодаш йолча хана, ток хьаяла кийча хилар - из чӀоагӀа эшаш дола хьал да. Цунна чудоагӀаш да технически гӀулакх дар, балха гӀирсаш тоадаь хилар, балха говзал йола болхлой тоаба вӀашагӀйоллар», - аьлар «Ингушэнерго» филиала кулгалхочун декхараш кхоачашдеш волча БӀарахой Рашида.

Белгалду, «Къилбаседа Кавказа Россетей» филиала 2024 шера дӀахьожадаьд, ГӀалгӀайчен электроэнерге моттигаш технически тоаяра 235,4 млн сом. Из 62% дукхагӀа да 2023-ча шера хинначул.