«Къилбаседа Кавказа россеташа» «сага вӀалла зе даргдоаца» гӀулакх юкъедоаккхаш латт
«Къилбаседа Кавказа россеташа» ГӀалгӀай Республикерча компане болхлошта лаьрхӀа «сага зе ца далийта» лаьрхӀа болх дӀабахьа Ӏомалуш кхетаче йир. Сертификаташ долча хьехамчаша - берригача мехка филиалий къахьегама бокъонех болча говзанчаша дийцар энергетикашта, цар болх дӀахьоча хана сага зе даргдоацаш, цар вахар лорадара юкъекхувлача кердадарех. «Ингушэнергона» чуйоагӀача а кхален а моттигий 300 болхлочунна хьалхадаьккхар из.
«Сага вӀалла зе даргдоаца» яха кердадараш балха юкъедахьаш хиларо таро хулийтаргья, дагадоацаш, балха даькъ тӀа нийслуш дола хьал юстардаккха. Цунна чудоагӀаш да кхо дакъа: кхерамзле, балха тӀехьа цӀено лоаттаяр, болхлой хьалаш тоадар.
Кхаь дийнахьа дӀабихьар хьехамчий тоабо цу даькъ тӀа кхетам луш бола болх, цар дӀадихьар говзанч-хьехамаш. Иштта ворхӀ «дошо бокъо» юкъеяккхарца дувзаденна шоашта ховш дар царна дӀаделар, балха говзал дӀа-юха эцарца дувзаденна, уж дар: хьалхале лелаярах, зулам цадалийта тӀахьожам лоаттабарах, бӀарчча программаш вӀашагӀйохкарах, кхерамзлен Ӏалашо ярах, къахьегама цӀена хьалаш хилийтарах дола хьал вӀашагӀдолларах, профессиональни говзал лакхъярах, болхлошта хьалаш хьакхолларах.
Пайда бахьаш дола гӀулакхера ловзараш дӀахьоча юкъа, энергетикаш тоабашта бийкъа бар, боккъонца долаш санна оттадаьча гӀулакхашка гӀолла гучадоахар болхлоша шоай балха юкъе нийслуш дола кхоачамбоацараш.
Цул совгӀа, болхлой Ӏомабелар харцдар, нийсадар кхетаде.
«Сага вӀалла зе даргдоацаш» вӀашагӀбеллача балха тӀа, керттера терко тӀайохийт сагá. Кхерамзлен къахьегам вӀаштӀехьабаккхар- из хӀара денна массаболча говзанчаша беш болча балхаца дувзаденна хӀама да. Ше деш дар дика кхетадеш саг хилча мара, цох лерттӀа къахьегам хилац», - аьлар «Ингушэнергон» къахьегама тӀахьожам лоаттабеча, кхерамзленах волча кулгалхочо Осканаькъан Ислама.
