ГIалгIайчен хьунашка сурташ доаха «боангаш» оттаярах, таро я акха хьайбаш зе
ГIалгIайчен хьунашка сурташ доаха «боангаш» оттаяь хиларо таро лургья говзанчашта акха хьайбаш зе, уж хьаух шоашта ялат оттадаьча моттиге, яхаш, дийцар «Сердало» газетага ГIалгIай Республикан Iалам лорадераша.
«Наьсарен кхален хьунашка акхача хьайбашта лаьрхIа ялат оттадир. КIа диллар массехк моттиге, хьайбашта укх хана эшаш дола тух а диллар. Цул совгIа, сурташ доахаш йола боангаш а оттаяьй, царга гIолла ха йиш я малагIа акха хьайба цига тIаденад. Кастлуш тамашийна гойтама материалаш гургья вайна. ХьунагIа лелача хьайбашта ялат оттадаьр ва, Наьсарен кхален чарахьий даькъ тIара кулгалхо ЦIечой Хьасан», - йоах республикан Iалама министерстве.
Белгалдаккха дезаш да, цу тайпара хьайбашта доал деш хилар, мехка дийнаташ лорадар, хоадам боллаш ялат а увттадеш, хьунагIа лелача хьайбай Iалашо яр ерригача хIармо масал эца йиш йолаш да. Цо тIахьех нах, шоашкара дика гIулакхаш дара, цу тайпарча хIаман дакъа бахкара, гонахьара Iалам лорадара.
