Россе кердача моттигий бахархой машарца, цхьоагӏонца баха даькъалабийцар вай Мехкадас
Тахан, тов бетта 30-ча дийнахьа, Донецки, Лугански областаш, иштта Запорожски, Херсонски областаш Россена юкъе йола диъ шу дизар дездеш да вай. Исторически оагӏонца бакъдолчун нийсхо хьаоттаеш баьккха лоархӏаме гӏа ба ала деза цох. Исторически Даьхенах юха хьакхийтар керда ювца моттигаш, дӏахо болх дӏахьош кхоачашде дезараш белгалдир боккхача мехко – Россе.
Вай мехкадас Келаматанаькъан Махьмуд-Ӏаьлас белгалдир, Даьхен кердача истореца уж моттигаш юха Россех хьакхетар лоархӏаме, доккха долга, из деррига а Паччахьалкхен Президент волча Путин Владимира чӏоагӏонца долга. Республикан кулгалхочо теркалдечох, исторически дагалоаттама хӏама гӏулакхашца хьаллоацаш, лорадеш хила деза.
Ишттача балха лоархӏаме масал да тахан Гӏалгӏай республико Запорожски областа гӏулакхаш меттадоаладара юкъе дакъа лоацаш хилар. Токмакски кхаленна терко лоаттаеш, кхоачамбоацараш, еха моттигаш меттайоалаеш, бахархой оагӏув хьаллоацаш, новкъостал деш ба тахан республике.
Вай Мехкадас теркалдечох, вӏаши бувзам, цхьоагӏо йолаш хила деза вай дерригаш. Кердача моттигий, иштта Россе беррига бахархой машарца, бартаца, кхоанен хӏама боаггӏача боараме лорадарца баха даькъалабийцар вай мехкадас Келаматанаькъан Махьмуд-Ӏаьлас.
