Брянски областерча губернаторга кодам бийцар вай Мехкадас
ВСУ чухьелхарах, хатар хилар Брянски областе. Цигарча губернаторца царга кхаьча сагото екъаш, оагӏув хьаллоацаш, къамаьл дир вай Мехкадас. «Сердалога» из хоам бера Мехкадаь зарбан болх лелаберашкара.
«Доккха хатар да тахан Брянске хиннар. Ракето даьча зуламах маьршача наьха вахар хаьдад, иштта дукха адам лозадаьд. Байнарий гаргарча наьха оагӏув хьаллоацаш, царга а Брянски областа губернаторга Богомаз Александрага а ена сагото екъаш ба тахан республикан бахархой. Цу доккхача зуламо наьха дегашта чов яьй, нах ӏазапе оттабаьб.
Сатоха низ хилба цар! Вай массане дегашта йоккха хало еш хӏама да из», - йоах вай Мехкадас ший къамаьла юкъе. Лозабаьрашта моаршал хилда! Эшаш долча хӏаман тӏехьа оагӏув хьаллаца, новкъостал де кийча болга белгалдир вай Мехкадас.
