ГӏР ӏалама Министерствон кулгалхочун, РФ ӏалама Министерствон министра хьалхарча гӏончан балха кхетаче хилар
Гӏалгӏайчен ӏалама Министерствон кулгалхочо Мизенаькъан Микаила балха кхетаче дӏайихьар, РФ ӏалама тароний, экологе министра хьалхарча гӏончаца Хатуов Джамбулатаца. Цига дийца керттера дош дар Гӏажарий-Юртара чӏоагӏа коммунальни нувхаш дӏакхувсача моттигера хьал. Цар лаьрхӏар, из проект йоагӏаш йолчча тайпара, кхоачамбоацараш хургдоацаш, лертт1а болх бергболаш чакхъяккха.
«Доакъашхой хьежар, нувхаш чакхъяхара укх заман комплекс хьалъяра инвестице проект юкъеяккха, чӏоагӏа коммунальни нувхаш дӏаяхара, лаьттах йохкара. Из дӏайолае лаьрхӏад 2028 шера оагӏой бетта. Из чӏоагӏдаьд Гӏалгӏайчен кулгалхочо Келаматанаькъан Махьмуд-ӏаьлас, иштта барт баьб «Российски экологически оператор» ППК-ца.
Цига дийцар мехка оператора доагама материалаш лоаттаярах. Мизенаькъан Микаила яхачох, оператор юкъевихьав хьалхарча аргӏагӏа доагама материал хьаэцара, цо таро лургья юха ца соцабеш из болх дӏабахьа республикан дерригача доазон тӏа», - аьлар «Сердало» газетага Гӏалгӏайчен Паччахьалкхене.
Цу вӏашагӏкхетаро кӏийле йир, дӏахо шоайла бувзам лелабара. Оагӏонаша чӏоагӏдир; шоайла дагабоалаш экологе хьал тоаде, лаьрхӏар кхоачашде деза, аьнна.
