Россе юкъарлон палата Президиуме юхахержар ӏамарханаькъан Лейла
Россе юкъарлон палата Кхела кхетаче хьалхалаттараш хоржаш болх дӏабихьар. Ма дарра аьлча, цу оагӏон кулгалхочунна, цун гӏончанна кхаж тессар кхетачен доакъашхоша, иштта Президиума доакъашхой а белгалбир. Къилбаседа Кавказа гӏончан болх цу оагӏонца дӏа а ӏамарханаькъан Лейлас хьоргба.
2010-ча шера оагӏой бетта денз, федеральни Юкъарлон палата, мехка моттигашкарча палаташта юкъе бувзам хотташ йола моттиг я РФ юкъарлон палатай Кхел. Сага бокъонаш лораяра, меттаоттаяра тӏехьа, иштта юкъарлон оагӏонцара тохкама болх чакхбоаккхаш, кхыдола лоархӏаме гӏулакхаш кхоачашдеш моттиг я из тахан. Кхела оагӏонцара керттера болх дӏахьош я Президиум.
12 саг ва цу юкъе чувоагӏаш: виъ саг федеральни оагӏонцара, бархӏ саг моттигашкара (цхьацца викал хӏара федеральни оагӏонгара). Ший болх боаггӏача боараме, бехктокхаме дӏахьош хиларах цу балха тӏа юхахержай ӏамарханаькъан Лейла.
