Келаматанаькъан Махьмуд-Ӏаьлас балха кхетаче дӏайихьар, Гӏалгӏайчен ОФСИНа кулгалхочунца
Гӏалгӏай Республикан кулгалхочун Келаматанаькъан Махьмуд-ӏаьлан кхетаче хилар, Гӏалгӏай Республике гӏолла йолча Россе ОФСИНа кулгалхочунца Бекмухамбетов Наурбеца.
«Дийца дош дар республикера уголовно-кхоачашдара гӏулакх тоадар. Цига хьоахадир боахамашта юкъера бувзамаш леладар, бокъонаш лораяра ӏалашо яр, юкъарлон кхерамзле лораяр, иштта лаьрххӏача операце доакъашхой, цар дезал хьаллацар. Келаматанаькъан Махьмуд-Ӏаьлас белгалдир, из болх керттера хилар, даим массайолча структурашкара из хьадехаш хилар.
Дӏахо дийцар, лаьца боахкачара мукъабаьнна нах балха отта таро йолаш хила безарах, шоай вахарера хаттараш кхоачашде, юкъарлонца дӏаувш уж хила безарах», - аьлар региона Кулгалхочун зарбан болх лелабераша.
Цу кхетаче лоархӏаме моттиг дӏалаьцар, балха оттара, вахара юкъе меттаоттара сага новкъостал деш беча балхо.
Кхетаче чакхйоалаш, республикан Кулгалхочо баркал аьлар Бекмухамбетов Наурбена, Гӏалгӏайче гӏолла йолча ерригача ОФСИНа тоабанна вӏаший бувзам болаш, кхеташ хиларах.
