Хьовра хьаст бӀехбеннаб яха къамаьл техкар Коазой Мадина
Бишт, Каьзи оалача ЖӀайрахьа кхале чуйолхача юрташта гаьна боацаш боалла Хьовра хьаст бӀехбеннаб яха къамаьл кхаьчар Ӏалама гӀулакхех йолча министерствога. Цу оагӀон кулгал деш вола Хьулахой Саварбик, шийца экологи, гонахьара Ӏалам лорадарах болча оагӀон хьалхалатта Баркинхой Адам волаш, арабаьлар из гӀулакх тахка. Из хоам «Сердало» газетага бир министерстве.
«Альпинистий «Каьзи» яхача лагере хилар уж. Деррига тохкаш гобаьккхача, гучадаьлар, лагерерча цхьан вагончика чура бӀеха хиш хьаараахийта турба араяьккхалга.
Цу бокъо йоацача гӀулакхах дола дош республикерча прокуратуре чудала лаьрхӀад болхлоша. Цул совгӀа, бӀехача хиша гонахьарча Ӏалама, лаьттанна зе дергдоацаш, боаггӀаш бола болх дӀабахьа лерхӀ», - дийцар тхога Ӏалама хьал лорадеча министерствон болхлоша. Хьовра хьаст бӀехбеннаб яха къамаьл, бух боацаш хилар, оаха техкача.
Хьадувцачох, 1980 метр фордал лакхагӀа уллча хьастара хий, боккхача боараме дотув доаллаш да.
