Ширача Аьга-Кхала тӏа Россе байракх йоаржайир вай мехкарча Россе СК эпсаро
РФ Паччахьалкхен байракха цӏай дездеш, Жӏайрахьа кхален Аьга-Кхале, кура бовхьаш долча вай даьй гӏалашта юкъе, Даьхенцарча безамах бола болам дӏабихьар. Россе вай мехкарча Тохкама комитета болхлочо боккхача мехка байракх йоаржайир, цу лакхе ваьнна; Россе къамашта юкъе цхьоагӏо, барт хила безилга белгалдеш.
«Гӏалгӏайче доккха, къаьна истори долаш, тамашийна хоза долча лоамашта юкъе уллаш мохк ба. Бӏаьшераш хьалха вай даьша хьалъяьча гӏалашта, кӏай бовхьаш долча лоамашта юкъе геттара чӏоагӏа хоалуш хул хьамсарча Даьхенцара безам.
Россе вай мехкарча Тохкама комитета болхлоша хӏара шера РФ Паччахьалкхен байракха ди дездеча хана, из цӏай хьаллоацаш, российски байракха истори довзийташ бола болам боаржабу вай мехка», - йоах «Сердалога» Тохкама комитетера кхаьчача хоамо. Лоамашта юкъерча доазон тӏа боаржабаьча боламо массанена хьалхадаьккхар, Россе низ хилар, къамаш шоайла цхьоагӏо йолаш, барт лорабеш, истори довзаш, цунца лерхӏам болаш хилар долга.
