Урале, Сибре болча Гӏалгӏайчен викалашта баркал аьлар МРК бӏухоша
Нахимова 1-ча дозала ордена 41-ча тоаба Севастопольски ӏаьржача форда флота кемай, ракеташ лелаеча кемай командоване, иштта «Гӏалгӏайче» яхача зӏамагӏча ракетни кеман бӏухоша баркал аьлар Екатеринбургерча, Тюменерча Гӏалгӏай Республикан викалашта, яхаш, дийцар «Сердало» газетага Россе Президента балха чубоагӏача Гӏалгӏайчен викала оагӏоно.
Тӏема операци дӏахьош цар дика новкъостал лоаттадарах, лаьрххӏа дола кхайкарал дӏадахьийтар викалашка.
Тоабай командоване белагалдир, Гӏалгӏайчен викалий оагӏорахьара новкъостал лоаттадеш хилар, тӏема декхар кхоачашдечарна оалача дешаца, ӏалашонца цар гӏо деш хилар.
«Гӏалгӏайче» яхача кеман экипажа къаьстта баркал оал цу моттигашкарча викалашта фордахой хьашташ довзаш, царна фу эш хьожаш уж хиларах, цунца цар Даьхен бӏухой дог ураоттаду, тӏема кӏийле чӏоагӏъю.
