Гӏалгӏай, Селий мехкашкарча Москверча массазарча викалаша кхетаче дӏайихьар
Россе Президента Москвера массазара викал вола Оздой Муслим, Селий мехка массазара викал Нагиев Руслан, шинна оагӏорахьара цар викалаш болаш, кхетаче дӏахьош хилар. Москве дӏайихьача кхетаче лоалаха дадача мехкашта юкъера бувзам, барт чӏоагӏбеш бар уж нах.
«Сердалога» Гӏалгӏайчен викалашкара кхаьчача хоамах, вӏаший бувзаме болаш, дӏахойодача хана кхоачашде лерхӏарех дийцар цига. Даькъастерча шин республикан культуран-исторически тӏехьале, ӏадаташ довзийташ йола кхетаченаш цхьана дӏакхухьаш болх лоаттабарах дийцар шин республикан массазарча викалаша, иштта цхьацца кердадарех а. Къаьстта терко йир цига кагирхой политиканна. Москве бахаш, дешаш бола Гӏалгӏай, Селий мехкашкара къонабараш цхьана проекташ йоаржаяра тӏахьехарах дийцар Оздой Муслима, Нагиев Руслана.
Къонабараш вӏаший оагӏув хьаллоацаш, пайдане хургйолча проекташца цхьана болх беш хуле, шин республикан юкъера бувзам, безам дикка чӏоагӏлургба, хӏаьта из лоалаха уллача, тхьоврача хана денз вӏаший вошал леладеш хьайоагӏача шин республикан юкъе лоархӏаме да.
