Гӏалгӏайчен кераста ди лелабераша дездир, Христос Варца дувзаденна цӏай
Шолжерча кераста дин керттерча киназа чу наджгоанцхой бетта 7-ча бийсан, кераста дин керттерчарех цаӏ лоархӏаш дола цӏай дездеш кхетаче хилар. Лаьрххӏа бола цунна хетабаь хьехам беча гулбелар дукха нах, цӏай цхьана дезде.
Цига дакъа лаьцар Гӏалгӏайчен Паччахьалкхен Председатела Сластенин Владимира. Республикан из дин леладеча нахага, бахархошка кхайкарал деш, премьер-министра белгалдир Рождество оала цӏай къахетамца, дикалца, наьха йоакхо ярца дувзаденна хилар. Из цӏай леладаро таро лу халкъашта юкъерча дин гӏулакхашца лерхӏам болаш хила. Даим из белгалдеш хиннад Гӏалгӏайчен лаьтта.
Лоархӏаме дакъа дӏалоацаш дар киназа керте латтача Андрея сий дар. Министрий кабинета кулгалхочо цунна баркал аьлар цига гӏулакх деш хиларах, цо дика патриотически болх дӏабахьарах. Сластенин Владимира белгалдир цун денал, бӏухой латтача хьалхарча мугӏарашка из каст-каста водаш хилар.
Кхетаче чакхъяьлар, Гӏалгӏайчен кулгалхочо Келаматанаькъан Махьмуд-ӏаьлас тӏадиллача декхарах, киназа даьна Андрейна премьер-министро мехка лакха совгӏат даларца, из яр «Лаьрххӏача операце мугӏарашка латтача бӏухошта новкъостал дарах» яха майдилг, иштта белгалдир Даьхен бӏухой хьаллоацаш цо лоархӏаме дакъа юкъедена хилар.
