Мехкарча премьер-министра хӏара шерара къамаьл дергда
22.04.2026 10:28
Укх бетта 23-ча дийнахьа 2025-ча шера Паччахьалкхено дӏабихьача балхах йола доклад ергья Паччахьалкхен хьалха латтача Сластенин Владимира. Из хоам латт вай мехкадаь Келаматанаькъан Махьмуд-Ӏаьлий Телеграмм- оагӏон тӏа.
«Паччахьалкхен политикаца, Россе Президента Путин Владимира белгалдаь декхараш теркалдеча оагӏонца малагӏа болх тахан чакхбаьккхаб, иштта дӏахойодача хана кхоачашде дезараш малагӏаш да белгалдергда докладага гӏолла», - йоах Мехкадаь зарбан болх лелаберашкара бенача хоама тӏа. Тахан терко ераш да инженерни, вахара, унахцӏенон, дешара оагӏонашца дувзаденнараш.
Иштта премьер-министра белгалдергда мехкарча экономикаца, промышленни оагӏонца, юртбоахама моттигашца дувзаденнараш, цу оагӏонашцарча толамех дувцаргда кхетаче.
