Уж тоаде дезаш дар, хӀана аьлча 1944 шера гӀалгӀай къам мехкахдаьккхачул тӀехьагӀа денз, уж тоадара болх баьбацар. Карарча шера тушола бетта дӀаболабаь болх, аьтинга бетта йистебаьлар. ГӀишлонхоша керда карт хьайир гобаьккха, такилгаш Ӏодаьхкар,60 машен лоаттае моттиг кийчйир. Иштта саг дӀаволлаш ламазаш де моттиг йир, эшаш бола гIирс чулоаттабе цӀа дир. СоагӀапча дукхача гӀалгӀай тайпай нах боахк дӀабехка, хӀана аьлча уж цхьа кашамаш мара дац цу юрта. Кашамашкара болх дӀаболабеш юртхошца дага баьлар, гӀишлон болх дӀабахьарах царна фу хет хаьттар. Йоккха гаьнаш, кӀоарга ор доаллаш хиларах, болх бе хала дар, цудухьа гаьна а баьлар из болх. Из болх дика баь хилар да, юртхой раьза хилар. Уж къайлахьош бац шоай гӀадбахар, шоашта иштта «Сафмар» ганзо а вай республикан кулгалхочо а терко яь хилар. Тхона дагадоаллаш дар из дош, тха нах дӀабехка боахка кашамаш бӀехдора доахана а кхыдолча хьайбаша а. Даьла раьза хилва цу Микаила, оаха массане а баркал оал цунна. Хьалхадоаккх, дерригаш а 2023 шу чакхдалале «Сафмар» ганзо тоадаь доахаргда 40 кашамаш, уж да 33 бусалба,7 кераста наьха.