Терроризм яхача зуламах лорабалара бокъонаш йийцар Тӏой-Юртарча дешархошта
16.09.2026 13:03
Тӏой-Юртарча №1 йолча ишкола дешархошта лекци ешаш хилар мехкахбаьхарий Мемориальни моттига болхло Чаненаькъан Амина. Терроризм яхача доккхача зулама духьале яр мишта хила деза хьалхадаьккхар цо къонабарашта. Белгалде деза иштта бола болх къонабарашта юкъе дӏакхахьар лоархӏаме долга.
«Цу оагӏонца дувзаденнараш цхьаккха тайпара хьаллаца йиш, тувлабенна, харцача наькъ тӏа баьнна лелача бӏехача зуламхошца бувзам лелабе, царга ӏехабайта йиш йоацилга белгалдир цу кхетачене», - «Сердалога» из хоам бера цу моттигера.
Лекцеца белгалдаьр дешархоша дикагӏа кхетадергдола болх дӏабихьар. Цул совгӏа, берашта хьалхадаьккхар цу оагӏонцара хӏама нийсденна моттиг хилча, фу де деза.
