Министра гӏонча хилар «Турпала никъ» яхача программан доакъашхочох
«Турпала никъ» яхача мехка йоаржаяьча программах, дикка пайда баьннаб ала йиш я тахан. Цу юкъе дакъа лоацаш хинна Хьаьшанаькъан Хьамзат министра гӏончан декхараш кхоачашде хержар тахан.
Цигара ший болх, «Турпала никъ» яхача программан доакъашхо волаш, дӏаболабир цо. Болх ӏомабеш хиннача юкъа, цунца дувзаденна гӏулакхаш дӏадахьа шийна карагӏдаргдолга, балхацара говзал караерзае ший начӏал долга хьахайтар тӏема операце доакъашхочо.
Таханарча дийнахьа денз терроризм, экстремизм яхача зуламах мохк лорабара тӏехьа къахьегаш хургва из. Министр волча Мизенаькъан Руслана белгалдир, Хьаьшанаькъан Хьамзата болх бовзаш ше яьккхача юкъа, моллагӏа декхараш бехктокхаме кхоачашде начӏал дола саг ше волга хьагойталга. Визза болхло хургволаш саг ва из.
«Турпала никъ» яхача проектага гӏолла цо шаьрдаьр дӏахободача наькъ тӏа дикка накъадаргда цунна. Цу гӏулакхо хьагойт, «Турпала никъ» яха программа боккха пайда боаржабеш, къаман вахаре доккхий, лоархӏаме декхараш кхоачашдеш, кхерамзлен оагӏонца къахьегаш хургбола болхлой кийчбеш йолга.
