Цӏихезача иллий мукъамца йолаергья вай ишколашкара урокаш
Массахана тохаш хиннача гургала меттал советски, иштта таханарча авторий мукъамца дӏайолаеергья ерригача Россера санна, вай мехкара а урокаш. Дешара шу долалуш дола тов бетта 1-гӏа ди кердача тайпара дӏадолалургда эзараш дешархошта. Кхоллама оагӏонца берий дог ураоттадеш бола хувцам ба из ишколашка, иштта боккхача мехка мукъама тӏехьале йовзаргья. «Сердалога» из хоам бера мехкарча Паччахьалкхера.
Цӏаьхха геттара чӏоагӏа тохаш хиннача гургала меттала оттабаьча мукъамо хьалъюзаргья ишкола уйченаш. Урок йолалуш, чакхйоалаш хозаш хургба мукъам, цул совгӏа хӏара бетта хувцаш, тайп-тайпара хьаоттабеш хургба. Еррига произведенеш лоархӏамеча исторически гӏулакхашца, паччахьалкхен цӏайшца, дагалоаттама деношца хоттам болаш хургья.
Тов бетта дешархошта хозаргда ишколах, кхетамах, хьехархоех, доттагӏаллах, керда наькъаш хьаделларах дола иллеш. Тайп-тайпарча ханашкара произведенеш я цу юкъе яхараш советски классикагара ӏойолаенна. Цу юкъе я цӏихеза Шаински Владимира « Дважды два- четаре», таханара Майданов Дениса « Хьалхарбалий илли». Берий психологически хьало дикагӏа дӏатӏаэцаш, цар дог ураоттадеш хургда из керда гӏулакх.
