РФ Паччахьалкхен байракха хетабаь болам дӏабихьар, Яндарерча культуран Цӏагӏа
22.08.2026 20:10
Россе Паччахьалкхен байракха Денна хетабаь болам боаржабе гулбелар Яндарерча культуран Цӏагӏа. Кхувш латтача къонача тӏехьен паччахьалкхен керттерча белгалонашца лерхӏам хила безилга хьалхадоаккхаш болх бар из.
Культуран Цӏагӏа исбахьален оагӏонцарча балха кулгал деча Йовлой Мадинас къонача хьаьшашта цхьаццадола лоархӏамедараш хьалхадоахаш къамаьл дир. Российски байракха бӏаьшерашкара денз хьадоагӏа истори, цун хӏара беса кӏоарга маӏан довзийтар цо къонабарашта.
Даьхен хӏаманца лерхӏам хила безилга, цун истори довза дезилга хьалхадаьккхар Йовлой Мадинас. Боккхача мехках лаьца долча къамаьлашка доккхалца ладувгӏаш бар къонабараш.
