Хьун оалхазарашта чарахьал деш йола ха дӏайолалургья, укх бетта 15-ча дийнахьа
Чарахьал деш барашта аьттув бола ха дӏайолалургья, укх бетта 15-ча дийнахьа. Хьатӏадоагӏача шоатта дийнахьа денз, арабовргба цу гӏулакхага сатувсаш хиннараш. Ӏан ханага, оагӏой бетта 31-ча денга кхаччалца латтаргья из бокъо.
«Чарахьал деш лела бокъо луш дола каьхат хьун моттигашта тӏахьожам лоаттабарах болча оагӏоно хьалуш да бахархошта. Цу моттига адрес: Шолжа-Шахьар, Осканаькъан цӏерах бола урам №36. Чарахьал дерашта хьалхадоаккх, из ха чакхъяьнначул тӏехьагӏа 20 ди далале, из каьхат цу моттиге юха дӏачудала дезилга», - дийцар «Сердалога» ӏалама гӏулакхех йолча мехкарча министерстве.
Цу оагӏонцара бокъонаш лораеш, чарахьал де водача сагага кхо каьхат хила деза. Федеральни оагӏонцара цхьан тайпара дола чарахьал дерий билет хила деза, иштта цу моттигашка чарахьал деш лела бокъо луш дола каьхат, герз леладе бокъо луш дола МВД каьхат хила деза.
