«Кавказ» яхача наькъа 586 километрага кхаьчача, полице болхлочоа герз дийттад
05.12.2023 10:29
«Кавказ» оалача наькъ тIа, Яндарена гаьна доацаш, МВД тохкама болхло чувагIача «Лада Гранта» яхача машена герз детташ, хатар хиннад. Зуламхой лувцаш йола операци дIайолаяьй. «Сердало» газетага из хоам бир Iаьдала болхлоша.
«МВД болхлоша теркалдаьчох, юхегIолла йодаш хиннача Toyota Camry яхача номераш йоацача машена чура дийттад герз», - йоах тхога бенача хоамо. 37 шу даьнна полице капитан лоза ца веш висав. Из ваьгIача гIандах, машена корех деттаденнад пхорч.
Iаьдала болхло отпусках хиннав, цу дийнахьа Шолжа-ГIала йолча оагIорахьара Магасе водаш, хиннав из.
