Моттигерча Паччахьалкхен кхетаче дӏахьош ба мехка
13.07.2026 11:00
Паччахьалкхен хьалха латтача Сластенин Владимира кулгал деш, йоккха кхетаче я Магасе дӏахьош. Министерствошта, муниципальни моттигашта хьалхалаттараша, иштта кхыболча хьакимаша кхетаче дувцаргда юкъара-политически, вахара- экономически, спорта оагӏонашца дувзаденнараш.
«Къаьстта терко еш дувцаргда кхетаче каста хила дезача РФ Паччахьалкхен Дума, Халкъа Гуллама хоржамашка кийчо ярах. Республике къаман проекташка, федеральни программага гӏолла дӏабахьа безача балхах, иштта вай мехка ӏаддалхой 3D Россе чемпионат дӏаяхьарах, цу гӏулакхага кийчо еш кхоачашде дезарех дувцаргда гулбеннача хьакимаша», - йоах «Сердалога» мехкадаь зарбан болх лелаберашкара бенача хоамо.
