Кагирхой политике къахьегарашта яла цӏи чӏоагӏъергья вай мехка
30.03.2026 09:55
Мехкарча парламенте дӏайихьар «Паччахьалкхен совгӏатех» йолча бокъонцара хувцамаш белгалдеш йола кхетаче. «Кагирхой политикан цӏихеза болхло» яха лоархӏаме цӏи чӏоагӏъе дага ба цига. «Сердалога» из хоам мехка кабминера бир.
«Кагирхой политикан оагӏонца хьинаре къахьегарашта луш цӏи хургья из», - йоах тхогарча хоамо. Цу гӏулакха хьалхаэттар ва мехкарча «Къоначар эскар» яхача оагӏон штаба кулгалхо Муружанаькъан Мухьмад.
Кхувш латтача къонача тӏехьенца уж нийсача наькъ тӏа бахара тӏехьа къахьегараш белгалбеш дола гӏулакх хургда цох, цу оагӏонцарча доакъашхоша теркалдечох.
