Боккхача, низболча мехка байракх хьалха лаьца, экономически хьал тоадеш я вай регион. Даьла низаца, тахан, вай кхолларгда тIехьа тIа йоагIача тIехьенна накъадаргдола наькъаш», — белгалдир вай Мехкдас.

Ший къамаьла юкъе Келматанаькъан Махьмуд-Iаьлас хьоахадир, вай мехкахоша Олимпийски ловзарашка чемпионаш хулаш, Россе цIера кхихьача коталох.

Дуккхача моттигашка белгалбоалаш, Россе санна, доазол арахьа а, боккхача мехка цIи дIахозийташ хьабаьхкаб вай кагирхой.

«Аз даькъала бувц вай мехкахой, Россе байракха денца! Ираз, аьттув, беркат долаш хилда массане вахар!», — тIатехар Мехкдас