Коталон дийнахьа футболах къовсаелар «Искра», «Вайнах» яха тоабаш
Маьтсела бетта 9-гӏа ди долаш Наьсар-Кертерча «Вайнах» тоабан футболисташ лайзар; ЮФО, СКФО кхоалагӏча лига аргӏанара вӏашагӏкхетар дӏахьош, Алтудерча (КБР) «Искранна» духьала.
Ловзар дӏадоладелар 15:00 сахьат даьлча, Прохладни оалача шахьара Керттерча стадиона тӏа.
«Искра» турнира хьалхарча мугӏар тӏа латташ яр. Пхи ловзар дӏадихьачул тӏехьагӏа цу тоабо гойтар 100% йола толам: пхезза вӏаштта котъяьлар из, тамашийна башхало а йолаш – 24 бургац чутохаш, 2 мара шийна хьачу ца тохийташ.
Дукха ха йоацаш тоабо дакъа лаьцар Россе Кубке. Новороссийске дӏайихьар зӏамига футбол, цига дото майдилгаш яьхар, цо хьагойт лакха кийчо яь из тоаба хилар.
«Искранна» чувоагӏаш ва говзал йола защитник Хаматхананаькъан Акраман, хьалхагӏа из ловзаш хилар «Ангушт», «ИнгГУ» тоабашка. Иштта цунна юкъе ловзаш ба Россе шоллагӏча, хьалхарча лиган профессиональни боарам тӏа ловзаш хиннараш а.
«Вайнах» - къона тоаба я, из хӏанз мара ловза дӏайолалуш а яц. Диазза ловзаш уж ийшар кхозза. «Искра» яхача тоабанца яхьебоалаш, уж котбалара таронаш кӏезигагӏа йолаш бар, бакъда шоай оагӏорахьара кийчо яь бар. Зангенаькъан Тимура кулгал ду уж лаьрхӏа бар дукхагӏа контратакаш еш тӏатаӏа. Ловзаш бараш хьожар, зӏаммига из тоаба гӏалат йоалаш хуле, цох шоашта пайда эца, шоай таронаш сихача ловзарца совъяха.
Из ловзар чакхдаьлар чот 0:0 йолаш, цо хьагойт вай мехкахой цӏенхаштта цу вӏашагӏкхетарга кийчбенна хилар.
